منتدى اميرات النسائى

نور المنتدى بزيارتك و نتمنى ان تدوم زيارتك لنا
منتدى اميرات النسائى



    كفتة بطاطس لذيذه

    شاطر
    avatar
    دينا
    عضو نشيط
    عضو نشيط

    انثى الثور القط
    عدد المساهمات : 221
    نقاط : 128251
    السٌّمعَة : 0
    تاريخ الميلاد : 20/05/1999
    تاريخ التسجيل : 06/07/2012
    العمر : 19
    الموقع : لعبتى المفضلة صبايا UL

    وصفة كفتة بطاطس لذيذه

    مُساهمة من طرف دينا في الأحد سبتمبر 09, 2012 4:15 pm

    أنا عندى ولدين واحد فى أولى حضانة وواحد فى تانية حضانة


    بصراحة بيطلعوا عينى كل يوم الصبح وزهقت من الحضانة بسبب السندويتشات


    اشتغلت على المربى بأنواعها لحد العيال مازهقت منها وبعد كده لجأت للجبنة الرومى وطبعا كل يوم يرجعولى بالعيش وياكلوا الجبنة من السندوتشات بس
    البيض المقلى مش بيحبوه .. الجبنة بتبوش العيش مش بيحبوها فى السندوتشات
    البطاطس المقلية .. كل يوم أصحى من الساعة 6 أقلى بطاطس وأجهز ولما يرجعوا البيت ألاقى السندوتشات زى ماهى .. وأخيييييييييرا جاتلى فكرة كفتة البطاطس أنا سمعت عنها من زمان وعملتها ع العشا بس مش كتير ومن مدة طويلة قلت أجرب كده وأهو تغيير للعيال
    صحيت جهزتهالهم بعد الفجر.. والله يابنات أول يوم يفطروا قبل مايروحوا الحضانة من أول السنة هو اليوم دا وحبوها جدااااااا وطلبوا منى أعملها كل يوم ..



    أنا عارفة انى طولت عليكوا وعاوزين تخبطونى بحلة فى دماغى








    نبدأ بالمقادير:


    4 حبات بطاطس


    شبت أخضر وبقدونس مقطعين ناعم (أنا بشترى كمية وأغسلها كويس وأصفيها لحد ماتنشف وأقطعها ناعم وأحطها فى كيس فى الفريزر وأطلعها وقت الاستخدام .. بيكون زى الطازة وأقفل الكيس عليه كويس وأعينه تانى)
    ملح وبهارات كفتة وبقسماط
    3 بيضة بلدى أو 2 بيضة كبيرة
    توم مفروم
    ملعقة دقيق
    زيت للقلى















    الطريقة :


    أول حاجة هتغسلى البطاطس كويس وتقطعيها بس مش سميكة أوى علشان متغيبش فى السلق وتضيفى عليها حبة ملح وتسيبيها تتسلق













    بعد ماتتسلق بتصفيها كويس جدا وتسيبيها 5 دقايق بس مش تبرد أوى علشان تتقشر بسهولة







    بعد كده بتهرسى البطاطس كويس












    تضيفى بهارات الكفتة والتوم المهروس ورشة دقيق وعليه الشبت والبقدونس الأخضر وتقلبيها كويس











    تضيفى ملح (بس مش كتير لأنك ضايفة عليها أثناء السلق وكمان بهارات الكفتة بيكون فيها ملح) أنا بدوق حتة كده علشان أعرف حدقها كويس ولا لأ







    دا شكلها بعد ما خلطت المقادير كويس


    بعد كده فردت البطاطس على صينية (السمك اللى انتى عاوزاه) وقطعتها بكوباية دواير، انتى لو عندك أشكال نجمة أو وردة ال بيتقطعبها البسكوت بتعطى أشكال حلوة









    أجيب كل واحدة وأحطها فى البيض وبعدين البقسماط وأقليها فى الزيت على نار متوسطة علشان متشعوطش





    ودى وهى بتتحمر فى الزيت








    وآآآآآدى شكلها النهائى والطعم صدقونى خطييييير
















    _________________



      الوقت/التاريخ الآن هو الجمعة نوفمبر 16, 2018 11:24 pm